1-2. ма̄туга̄масутта̄диван̣н̣ана̄

280-281. ма̄туга̄масам̣йуттасса пат̣хаме ан̇гехӣти агун̣ан̇гехи. на ча рӯпава̄ти на рӯпасампанно вирӯпо дуддасико. на ча бхогава̄ти на бхогасампанно ниддхано. на ча сӣлава̄ти на сӣласампанно дуссӣло. аласо ча̄ти кантанапачана̄дӣни камма̄ни ка̄тум̣ на саккоти, кусӣто а̄ласийо нисиннат̣т̣ха̄не нисиннова, т̣хитат̣ха̄не т̣хитова нидда̄йати ева. паджан̃часса на лабхатӣти асса пурисасса кулавам̣сапатит̣т̣ха̄пакам̣ путтам̣ на лабхати, ван̃джхиттхӣ на̄ма хоти. суккапаккхо вуттавипарийа̄йена ведитаббо. дутийам̣ пат̣хаме вуттанайенева париваттетаббам̣.