8. самуггха̄таса̄руппасуттаван̣н̣ана̄

30. ат̣т̣хаме саббаман̃н̃итасамуггха̄таса̄руппанти саббесам̣ тан̣ха̄ма̄надит̣т̣химан̃н̃ита̄нам̣ самуггха̄та̄йа ануччхавикам̣. идха̄ти имасмим̣ са̄сане. чаккхум̣ на ман̃н̃атӣти чаккхум̣ аханти ва̄ маманти ва̄ пароти ва̄ парасса̄ти ва̄ на ман̃н̃ати. чаккхусмим̣ на ман̃н̃атӣти ахам̣ чаккхусмим̣, мама кин̃чанапалибодхо чаккхусмим̣ паро чаккхусмим̣, парасса кин̃чанапалибодхо чаккхусминти на ман̃н̃ати. чаккхуто на ман̃н̃атӣти ахам̣ чаккхуто ниггато, мама кин̃чанапалибодхо чаккхуто ниггато, паро чаккхуто ниггато, парасса кин̃чанапалибодхо чаккхуто ниггатоти евампи на ман̃н̃ати, тан̣ха̄ма̄надит̣т̣химан̃н̃ана̄нам̣ екампи на уппа̄детӣти аттхо. чаккхум̣ мети на ман̃н̃атӣти мама чаккхӯти на ман̃н̃ати, маматтабхӯтам̣ тан̣ха̄ман̃н̃анам̣ на уппа̄детӣти аттхо. сесам̣ утта̄намева̄ти. имасмим̣ сутте чатучатта̄лӣса̄йа т̣ха̄несу арахаттам̣ па̄петва̄ випассана̄ катхита̄.