2. паха̄насуттаван̣н̣ана̄

24. дутийе саббаппаха̄на̄йа̄ти саббасса паха̄на̄йа. чаккхусампхассапаччайа̄ уппаджджати ведайитанти чаккхусампхассам̣ мӯлапаччайам̣ катва̄ уппанна̄ сампат̣иччханасантӣран̣авот̣т̣хаббанаджаванаведана̄. чаккхувин̃н̃а̄н̣асампайутта̄йа пана ваттаббамева наттхи. сотадва̄ра̄диведана̄паччайа̄дӣсупи есева найо. еттха пана маноти бхаван̇гачиттам̣. дхамма̄ти а̄рамман̣ам̣. мановин̃н̃а̄н̣анти саха̄ваджджанакаджаванам̣. маносампхассоти бхаван̇гасахаджа̄то сампхассо. ведайитанти саха̄ваджджанаведана̄йа джаванаведана̄. бхаван̇гасампайутта̄йа пана ваттаббамева наттхи. а̄ваджджанам̣ бхаван̇гато амочетва̄ маноти саха̄ваджджанена бхаван̇гам̣ дат̣т̣хаббам̣. дхамма̄ти а̄рамман̣ам̣. мановин̃н̃а̄н̣анти джаванавин̃н̃а̄н̣ам̣. маносампхассоти бхаван̇гасахаджа̄то сампхассо. ведайитанти джаванасахаджа̄та̄ ведана̄. саха̄ваджджанена бхаван̇гасахаджа̄та̄пи ват̣т̣атийева. йа̄ панеттха десана̄ анусит̣т̣хиа̄н̣а̄, айам̣ пан̣н̣атти на̄ма̄ти.