6-7. антева̄сикасутта̄диван̣н̣ана̄

151-152. чхат̣т̣хе анантева̄сиканти анто васанакакилесавирахитам̣. ана̄чарийаканти а̄чаран̣акакилесавирахитам̣. антасса васантӣти анто асса васанти. те нам̣ самуда̄чарантӣти те етам̣ адхибхаванти аджджхоттхаранти сиккха̄пенти ва̄. ‘‘евам̣ веджджакаммам̣ карохи, евам̣ дӯтакамма’’нти ити сиккха̄панасан̇кха̄тена самуда̄чаран̣аттхенасса те а̄чарийа̄ на̄ма хонти, техи а̄чарийехи са̄чарийакоти вуччати. сесаметтха вуттанайенева ведитаббам̣. саттамам̣ хет̣т̣ха̄ катхитанайамева.