9. супан̣н̣асам̣йуттаван̣н̣ана̄

392-437. супан̣н̣асам̣йутте патта̄нам̣ ван̣н̣авантата̄йа гарул̣а̄ супан̣н̣а̄ти вутта̄. идха̄пи пат̣хамасуттам̣ пуриманайенева ат̣т̣хуппаттийам̣ вуттам̣. харантӣти уддхаранти. уддхарама̄на̄ ча пана те аттана̄ хӣне ва̄ саме ва̄ уддхаритум̣ сакконти, на аттана̄ пан̣ӣтатаре. саттавидха̄ хи ануддхаран̣ӣйана̄га̄ на̄ма пан̣ӣтатара̄ камбалассатара̄ дхатарат̣т̣ха̄ саттасӣдантарава̄сино патхавит̣т̣хака̄ паббатат̣т̣хака̄ вима̄нат̣т̣хака̄ти. татра ан̣д̣аджа̄дӣнам̣ джала̄буджа̄дайо пан̣ӣтатара̄, те техи ануддхаран̣ӣйа̄. камбалассатара̄ пана на̄гасена̄патино, те йаттха каттхачи дисва̄ йо кочи супан̣н̣о уддхаритум̣ на саккоти. дхатарат̣т̣ха̄ пана на̄гара̄джа̄но, тепи кочи уддхаритум̣ на саккоти. йе пана саттасӣдантаре маха̄самудде васанти, те йасма̄ каттхачи викампанам̣ ка̄тум̣ на сакка̄, тасма̄ кочи уддхаритум̣ на саккоти. патхавит̣т̣хака̄дӣнам̣ нилӣйанока̄со аттхи, тасма̄ тепи уддхаритум̣ на саккоти. йе пана маха̄самудде ӯмипит̣т̣хе васанти, те йо кочи само ва̄ пан̣ӣтатаро ва̄ супан̣н̣о уддхаритум̣ саккоти. сесам̣ на̄гасам̣йутте вуттанайамева̄ти.

супан̣н̣асам̣йуттаван̣н̣ана̄ нит̣т̣хита̄.