10. гандхаббака̄йасам̣йуттаван̣н̣ана̄

438-549. гандхаббака̄йасам̣йутте мӯлагандхе адхиваттха̄ти йасса руккхасса мӯле гандхо аттхи, там̣ нисса̄йа ниббатта̄. со хи сакалопи руккхо тесам̣ упакаппати. сесападесупи есева найо. гандхагандхети мӯла̄дигандха̄нам̣ гандхе. йасса хи руккхасса саббесампи мӯла̄дӣнам̣ гандхо аттхи, со идха гандхо на̄ма. тасса гандхасса гандхе, тасмим̣ адхиваттха̄. идха мӯла̄дӣни сабба̄ни тесам̣йева упакаппанти. со да̄та̄ хоти мӯлагандха̄нанти со ка̄л̣а̄нуса̄рика̄дӣнам̣ мӯлагандха̄нам̣ да̄та̄ хоти. евам̣ саббападесу аттхо ведитаббо. еван̃хи сариккхада̄нампи датва̄ паттханам̣ т̣хапенти, асариккхада̄нампи. там̣ дассетум̣ со аннам̣ детӣтиа̄ди дасавидхам̣ да̄наваттху вуттам̣. сесам̣ саббаттха утта̄намева̄ти.

гандхаббака̄йасам̣йуттаван̣н̣ана̄ нит̣т̣хита̄.