2-55. сама̄дхимӯлакат̣хитисутта̄диван̣н̣ана̄

663-716. дутийа̄дӣсу на сама̄дхисмим̣ т̣хитикусалоти джха̄нам̣ т̣хапетум̣ акусало, саттат̣т̣хааччхара̄маттам̣ джха̄нам̣ т̣хапетум̣ на саккоти. на сама̄дхисмим̣ вут̣т̣ха̄накусалоти джха̄нато вут̣т̣ха̄тум̣ акусало, йатха̄париччхедена вут̣т̣ха̄тум̣ на саккоти. на сама̄дхисмим̣ каллитакусалоти читтам̣ ха̄сетва̄ каллам̣ ка̄тум̣ акусало. на сама̄дхисмим̣ а̄рамман̣акусалоти касин̣а̄рамман̣есу акусало. на сама̄дхисмим̣ гочаракусалоти каммат̣т̣ха̄нагочаре чева бхиккха̄ча̄рагочаре ча акусало. на сама̄дхисмим̣ абхинӣха̄ракусалоти каммат̣т̣ха̄нам̣ абхинӣхаритум̣ акусало. на сама̄дхисмим̣ саккаччака̄рӣти джха̄нам̣ аппетум̣ саккаччака̄рӣ на хоти. на сама̄дхисмим̣ са̄таччака̄рӣти джха̄наппана̄йа сататака̄рӣ на хоти, када̄чидева кароти. на сама̄дхисмим̣ саппа̄йака̄рӣти сама̄дхисса саппа̄йе упака̄ракадхамме пӯретум̣ на саккоти. тато парам̣ сама̄паттиа̄дӣхи падехи йоджетва̄ чатукка̄ вутта̄. тесам̣ аттхо вуттанайенева ведитаббо. сакалам̣ панеттха джха̄насам̣йуттам̣ локийаджджха̄навасенева катхитанти.

джха̄насам̣йуттаван̣н̣ана̄ нит̣т̣хита̄.

ити са̄раттхаппака̄синийа̄ сам̣йуттаника̄йа-ат̣т̣хакатха̄йа

кхандхаваггаван̣н̣ана̄ нит̣т̣хита̄.

сам̣йуттаника̄йа-ат̣т̣хакатха̄йа дутийо бха̄го.