4. анура̄дхасуттаван̣н̣ана̄

86. чатуттхе аран̃н̃акут̣ика̄йанти тассева виха̄расса паччанте пан̣н̣аса̄ла̄йам̣. там̣ татха̄гатоти тумха̄кам̣ саттха̄ татха̄гато там̣ саттам̣ татха̄гатам̣. ан̃н̃атра имехӣти тасса кира евам̣ ахоси ‘‘име са̄санасса пат̣ипаккха̄ пат̣ивилома̄, йатха̄ име бхан̣анти, на евам̣ саттха̄ пан̃н̃а̄пессати, ан̃н̃атха̄ пан̃н̃а̄пессатӣ’’ти. тасма̄ евама̄ха. евам̣ вутте те ан̃н̃атиттхийа̄ти евам̣ тхерена аттано ча паресан̃ча самайам̣ аджа̄нитва̄ вутте екадесена са̄санасамайам̣ джа̄нанта̄ тхерасса ва̄де досам̣ да̄тука̄ма̄ те ан̃н̃атиттхийа̄ парибба̄джака̄ а̄йасмантам̣ анура̄дхам̣ етадавочум̣.

там̣ ким̣ ман̃н̃аси анура̄дха̄ти саттха̄ тасса катхам̣ сутва̄ чинтеси – ‘‘айам̣ бхиккху аттано ладдхийам̣ досам̣ на джа̄на̄ти, ка̄рако панеса йуттайого, дхаммадесана̄йа ева нам̣ джа̄на̄песса̄мӣ’’ти типариват̣т̣ам̣ десанам̣ десетука̄мо ‘‘там̣ ким̣ ман̃н̃аси, анура̄дха̄’’тиа̄дима̄ха. атхасса та̄йа десана̄йа арахаттаппаттасса ануйогаваттам̣ а̄ропенто там̣ ким̣ ман̃н̃аси, анура̄дха? рӯпам̣ татха̄гатотиа̄дима̄ха. дуккхан̃чева пан̃н̃апеми, дуккхасса ча ниродханти ват̣т̣адуккхан̃чева ват̣т̣адуккхасса ча ниродхам̣ нибба̄нам̣ пан̃н̃апеми. дуккханти ва̄ вачанена дуккхасаччам̣ гахитам̣. тасмим̣ гахите самудайасаччам̣ гахитамева хоти, тасса мӯлатта̄. ниродханти вачанена ниродхасаччам̣ гахитам̣. тасмим̣ гахите маггасаччам̣ гахитамева хоти тасса упа̄йатта̄. ити пуббе ча̄хам̣, анура̄дха, етарахи ча чатусаччамева пан̃н̃апемӣти дассети. евам̣ имасмим̣ сутте ват̣т̣авиват̣т̣амева катхитам̣. чатуттхам̣.