1. а̄нандасуттаван̣н̣ана̄

83. тхераваггасса пат̣хаме манта̄н̣ипуттоти, манта̄н̣ийа̄ на̄ма бра̄хман̣ийа̄ путто. упа̄да̄йа̄ти а̄гамма а̄раббха сандха̄йа пат̣ичча. асмӣти хотӣти асмӣти евам̣ паваттам̣ тан̣ха̄ма̄надит̣т̣хипапан̃чаттайам̣ хоти. дахароти тарун̣о. йува̄ти йоббанена саманна̄гато. ман̣д̣анакаджа̄тикоти ман̣д̣анакасабха̄во ман̣д̣анакасӣло. мукханимиттанти мукхапат̣ибимбам̣. тан̃хи парисуддхам̣ а̄да̄саман̣д̣алам̣ пат̣ичча пан̃н̃а̄йати. ким̣ пана там̣ олокайато сакамукхам̣ пан̃н̃а̄йати, парамукханти? йади сакам̣ бхавеййа, параммукхам̣ хутва̄ пан̃н̃а̄йеййа, атха парасса бхавеййа, ван̣н̣а̄дӣхи асадисам̣ хутва̄ пан̃н̃а̄йеййа. тасма̄ на там̣ аттано, на парасса, а̄да̄сам̣ пана нисса̄йа нибха̄сарӯпам̣ на̄ма там̣ пан̃н̃а̄йатӣти ваданти. атха йам̣ удаке пан̃н̃а̄йати, там̣ кена ка̄ран̣ена̄ти? маха̄бхӯта̄нам̣ висуддхата̄йа. дхаммо ме абхисамитоти майа̄ н̃а̄н̣ена чатусаччадхаммо абхисама̄гато, сота̄панносми джа̄тоти катхеси. пат̣хамам̣.