1. упайасуттаван̣н̣ана̄

53. упайаваггасса пат̣хаме упайоти тан̣ха̄ма̄надит̣т̣хивасена пан̃чаккхандхе упагато. вин̃н̃а̄н̣анти каммавин̃н̃а̄н̣ам̣. а̄паджджеййа̄ти каммам̣ джава̄петва̄ пат̣исандхиа̄кад̣д̣ханасаматтхата̄йа вуддхиа̄дӣни а̄паджджеййа. вин̃н̃а̄н̣упайанти падасса аггахан̣е ка̄ран̣ам̣ вуттамева. воччхиджджата̄рамман̣анти пат̣исандхиа̄кад̣д̣ханасаматтхата̄йа абха̄вена а̄рамман̣ам̣ воччхиджджати. патит̣т̣ха̄ вин̃н̃а̄н̣асса̄ти каммавин̃н̃а̄н̣асса патит̣т̣ха̄ на хоти. тадаппатит̣т̣хитанти там̣ аппатит̣т̣хитам̣. анабхисан̇кхачча вимуттанти пат̣исандхим̣ анабхисан̇кхаритва̄ вимуттам̣. пат̣хамам̣.