5. сама̄дхисуттаван̣н̣ана̄

5. пан̃чаме сама̄дхинти идам̣ бхагава̄ те бхиккхӯ читтекаггата̄йа париха̄йанте дисва̄, ‘‘читтекаггатам̣ лабханта̄нам̣ имесам̣ каммат̣т̣ха̄нам̣ пха̄тим̣ гамиссатӣ’’ти н̃атва̄ а̄ха. абхинандатӣти паттхети. абхивадатӣти та̄йа абхинандана̄йа ‘‘ахо пийам̣ ит̣т̣хам̣ кантам̣ мана̄па’’нти вадати. ва̄чам̣ абхинандантопи ча там̣ а̄рамман̣ам̣ нисса̄йа евам̣ лобхам̣ уппа̄денто абхивадатийева на̄ма. аджджхоса̄йа тит̣т̣хатӣти гилитва̄ паринит̣т̣хапетва̄ ган̣ха̄ти. йа̄ рӯпе нандӣти йа̄ са̄ рӯпе балавапаттхана̄сан̇кха̄та̄ нандӣ. тадупа̄да̄нанти там̣ гахан̣ат̣т̣хена упа̄да̄нам̣. на̄бхинандатӣти на паттхети. на̄бхивадатӣти паттхана̄васена на ‘‘ит̣т̣хам̣ канта’’нти вадати. випассана̄читтена четаса̄ ‘‘аниччам̣ дуккха’’нти вачӣбхедам̣ каронтопи на̄бхивадатийева. пан̃чамам̣.