3-4. куммасутта̄диван̣н̣ана̄

159-160. татийе маха̄куммакуланти махантам̣ ат̣т̣хикаччхапакулам̣. агама̄сӣти ‘‘еттха аддха̄ кин̃чи кха̄дитаббам̣ аттхи, там̣ маччхара̄йанто мам̣ еса нива̄ретӣ’’ти сан̃н̃а̄йа агама̄си. папата̄йа̄ти папата̄ вуччати дӣгхараджджукабаддхо айакантакосаке дан̣д̣акам̣ павесетва̄ гахито кан̣н̣икасалласан̣т̣ха̄но, айакан̣т̣ако, йасмим̣ вегена патитва̄ кат̣а̄хе лаггаматте дан̣д̣ако никкхамати, раджджуко ека̄баддхо гаччхатева. со куммоти со виддхакуммо. йена со куммоти удакасаддам̣ сутва̄ са̄сан̇кат̣т̣ха̄нам̣ бхависсатӣти ниваттитва̄ йена со аттхака̄мо куммо. на да̄ни твам̣ амха̄канти ида̄ни твам̣ амиттахаттхам̣ гато, на амха̄кам̣ сантакоти аттхо. евам̣ саллапанта̄нам̣йева ча несам̣ на̄ва̄йа т̣хито луддо раджджукам̣ а̄кад̣д̣хитва̄ куммам̣ гахетва̄ йатха̄ка̄мам̣ ака̄си. сесаметтха ито анантарасутте ча утта̄намева. татийачатуттха̄ни.