8. татийаова̄дасуттаван̣н̣ана̄

151. ат̣т̣хаме татха̄ хи пана̄ти пуббе совачассата̄йа, етарахи ча довачассата̄йа ка̄ран̣апат̣т̣хапане нипа̄то. татра̄ти тесу тхересу. ко на̄ма̄йам̣ бхиккхӯти ко на̄мо айам̣ бхиккху? ким̣ тиссаттхеро ким̣ на̄гаттхероти? татра̄ти тасмим̣ евам̣ сакка̄ре кайирама̄не. татхатта̄йа̄ти татха̄бха̄ва̄йа, а̄ран̃н̃ика̄дибха̄ва̄йа̄ти аттхо. сабрахмача̄рика̄моти ‘‘име мам̣ парива̄ретва̄ чарантӯ’’ти евам̣ ка̄мети иччхати паттхетӣти сабрахмача̄рика̄мо. татхатта̄йа̄ти ла̄бхасакка̄раниббаттанаттха̄йа. брахмача̄рупаддавена̄ти йо сабрахмача̄рӣнам̣ чатӯсу паччайесу адхиматтаччхандара̄го упаддавоти вуччати, тена упаддута̄. абхипаттхана̄ти адхиматтапаттхана̄. брахмача̄риабхипаттханена̄ти брахмача̄рӣнам̣ адхиматтапаттхана̄сан̇кха̄тена чатупаччайабха̄вена. ат̣т̣хамам̣.