6. сага̄тха̄суттаван̣н̣ана̄

100. чхат̣т̣хе гӯтхо гӯтхена сам̣сандати саметӣти самуддантаре джанападантаре чаккава̄л̣антаре т̣хитопи ван̣н̣енапи гандхенапи расенапи на̄наттам̣ анупагаччханто сам̣сандати самети, екасадисова хоти нирантаро. сесесупи есева найо. айам̣ пана анит̣т̣хаупама̄ хӣнаджджха̄сайа̄нам̣ хӣнааджджха̄сайасса сариккхабха̄вадассанаттхам̣ а̄хат̣а̄, кхӣра̄дивисит̣т̣хопама̄ калйа̄н̣аджджха̄сайа̄нам̣ аджджха̄сайасса сариккхабха̄вадассанаттхам̣.

сам̣сагга̄ти дассанасаванасам̣сагга̄диваттхукена тан̣ха̄снехена. ванатхо джа̄тоти килесаванам̣ джа̄там̣. асам̣саггена чхиджджатӣти екато т̣ха̄нанисаджджа̄дӣни акаронтасса асам̣саггена адассанена чхиджджати. са̄дхуджӣвӣти парисуддхаджӣвитам̣ джӣвама̄но. саха̄васети сахава̄сам̣ васеййа. чхат̣т̣хам̣.