7. паччайасуттаван̣н̣ана̄

27-28. саттаме пат̣ипа̄т̣ийа̄ вуттесу парийоса̄нападам̣ гахетва̄ катаман̃ча, бхиккхаве, джара̄маран̣антиа̄ди вуттам̣. евам̣ паччайам̣ паджа̄на̄тӣти евам̣ дуккхасаччавасена паччайам̣ джа̄на̄ти. паччайасамудайа̄дайопи самудайасачча̄дӣнам̣йева васена ведитабба̄. дит̣т̣хисампанноти маггадит̣т̣хийа̄ сампанно. дассанасампанноти тассева вевачанам̣. а̄гато имам̣ саддхамманти маггасаддхаммам̣ а̄гато. пассатӣти маггасаддхаммамева пассати. секкхена н̃а̄н̣ена̄ти магган̃а̄н̣енева. секкха̄йа виджджа̄йа̄ти маггавиджджа̄йа ева. дхаммасотам̣ сама̄панноти маггасан̇кха̄тамева дхаммасотам̣ сама̄панно. арийоти путхуджджанабхӯмим̣ атикканто. ниббедхикапан̃н̃оти ниббедхикапан̃н̃а̄йа саманна̄гато. аматадва̄рам̣ а̄хачча тит̣т̣хатӣти аматам̣ на̄ма нибба̄нам̣, тасса два̄рам̣ арийамаггам̣ а̄хачча тит̣т̣хатӣти. ат̣т̣хамам̣ утта̄намева. саттамаат̣т̣хама̄ни.