8. кулагхаран̣ӣсуттаван̣н̣ана̄

228. ат̣т̣хаме аджджхога̄л̣хаппаттоти ога̄хаппатто. со кира саттху сантике каммат̣т̣ха̄нам̣ гахетва̄ там̣ ванасан̣д̣ам̣ пависитва̄ дутийадивасе га̄мам̣ пин̣д̣а̄йа па̄виси па̄са̄дикехи абхикканта̄дӣхи. ан̃н̃атарам̣ кулам̣ тасса ирийа̄патхе пасӣдитва̄ пан̃чапатит̣т̣хитена вандитва̄ пин̣д̣апа̄там̣ ада̄си. бхатта̄нумоданам̣ пуна сутва̄ атирекатарам̣ пасӣдитва̄, ‘‘бханте, ниччака̄лам̣ идхева бхиккхам̣ ган̣хатха̄’’ти нимантеси. тхеро адхива̄сетва̄ тесам̣ а̄ха̄рам̣ парибхун̃джама̄но вӣрийам̣ паггайха гхат̣енто арахаттам̣ патва̄ чинтеси – ‘‘бахӯпака̄рам̣ ме етам̣ кулам̣, ан̃н̃аттха гантва̄ ким̣ карисса̄мӣ’’ти? пхаласама̄паттисукхам̣ анубхаванто таттхева васи. аджджхабха̄сӣти са̄ кира тхерасса кхӣн̣а̄савабха̄вам̣ аджа̄нантӣ чинтеси – ‘‘айам̣ тхеро нева ан̃н̃ам̣ га̄мам̣ гаччхати, на ан̃н̃ам̣ гхарам̣, на руккхамӯлаа̄санаса̄ла̄дӣсу нисӣдати, ниччака̄лам̣ гхарам̣ пависитва̄ва нисӣдати, убхопете ога̄дхаппатта̄ пат̣ига̄дхаппатта̄, када̄чи еса имам̣ кулам̣ дӯсеййа, чодесса̄ми на’’нти. тасма̄ абха̄си.

сан̣т̣ха̄нети нагарадва̄расса а̄санне манусса̄нам̣ бхан̣д̣акам̣ ота̄ретва̄ виссаманат̣т̣ха̄не. сан̇гамма̄ти сама̄гантва̄. мантентӣти катхенти. ман̃ча тан̃ча̄ти ман̃ча катхенти тан̃ча катхенти. кимантаранти ким̣ ка̄ран̣ам̣? бахӯ хи садда̄ паччӯха̄ти бахука̄ ете локасмим̣ пат̣иломасадда̄. на тена̄ти тена ка̄ран̣ена, тена ва̄ тапассина̄ на ман̇ку хотаббам̣. на хи тена̄ти на хи тена парехи вуттавачанена сатто килиссати, аттана̄ катена пана па̄пакамменева килиссатӣти дассети. ва̄тамиго йатха̄ти йатха̄ ване ва̄тамиго ва̄терита̄нам̣ пан̣н̣а̄дӣнам̣ саддена паритассати, евам̣ йо саддапаритта̄сӣ хотӣти аттхо. на̄сса сампаджджате ватанти тасса лахучиттасса ватам̣ на сампаджджати. тхеро пана кхӣн̣а̄саватта̄ сампаннаватоти ведитаббо. ат̣т̣хамам̣.