7. навакаммикасуттаван̣н̣ана̄

203. саттаме навакаммикабха̄радва̄джоти со кира аран̃н̃е руккхам̣ чхинда̄петва̄ таттхева па̄са̄дакӯт̣а̄га̄ра̄дӣни йоджетва̄ нагарам̣ а̄харитва̄ виккин̣а̄ти, ити навакаммам̣ нисса̄йа джӣватӣти навакаммико, готтена бха̄радва̄джоти навакаммикабха̄радва̄джо. дисва̄насса етадахосӣти чхаббан̣н̣арасмийо виссаджджетва̄ нисиннам̣ бхагавантам̣ дисва̄на асса етам̣ ахоси. ванасминти имасмим̣ ванасан̣д̣е. уччхиннамӯлам̣ ме вананти майхам̣ килесаванам̣ уччхиннамӯлам̣. ниббанатхоти никкилесавано. еко рамети екако абхирама̄ми. аратим̣ виппаха̄йа̄ти пантасена̄санесу чева бха̄вана̄йа ча уккан̣т̣хитам̣ джахитва̄. саттамам̣.