1. санан̇кума̄расуттаван̣н̣ана̄

182. дутийаваггасса пат̣хаме саппинӣтӣрети саппинӣна̄мика̄йа надийа̄ тӣре. санан̇кума̄роти со кира пан̃часикхакума̄ракака̄ле джха̄нам̣ бха̄ветва̄ брахмалоке ниббатто кума̄ракаван̣н̣енева вичарати. тена нам̣ ‘‘кума̄ро’’ти сан̃джа̄нанти, пора̄н̣акатта̄ пана ‘‘санан̇кума̄ро’’ти вуччати. джанетасминти джанитасмим̣, паджа̄йа̄ти аттхо. йе готтапат̣иса̄риноти йе джанетасмим̣ готтам̣ пат̣исаранти тесу локе готтапат̣иса̄рӣсу кхаттийо сет̣т̣хо. виджджа̄чаран̣асампанноти бхайабхеравасуттапарийа̄йена (ма. ни. 1.34 а̄дайо) пуббенива̄са̄дӣхи ва̄ тӣхи, амбат̣т̣хасуттапарийа̄йена (дӣ. ни. 1.278 а̄дайо) випассана̄н̃а̄н̣ам̣ маномайиддхи чха абхин̃н̃а̄йоти има̄хи ва̄ ат̣т̣хахи виджджа̄хи, сӣлесу парипӯрака̄рита̄ индрийесу гуттадва̄рата̄ бходжане маттан̃н̃ута̄ джа̄гарийа̄нуйого сатта саддхамма̄ чатта̄ри рӯпа̄вачараджджха̄на̄нӣти евам̣ паннарасадхаммабхедена чаран̣ена ча саманна̄гато. со сет̣т̣хо девама̄нусети со кхӣн̣а̄савабра̄хман̣о девесу ча мануссесу ча сет̣т̣хо уттамоти. пат̣хамам̣.