4. виджайа̄суттаван̣н̣ана̄

165. чатуттхе пан̃чан̇гикена̄ти а̄татам̣ витатам̣ а̄татавитатам̣ гханам̣ сусиранти евам̣ пан̃чан̇гасаманна̄гатена. ниййа̄тайа̄ми туйхева̄ти саббе туйхам̣йева деми. на̄хам̣ тенаттхика̄ти на̄хам̣ тена аттхика̄. пӯтика̄йена̄ти суван̣н̣аван̣н̣опи ка̄йо ниччам̣ уггхаритапаггхаритат̣т̣хена пӯтика̄йова, тасма̄ евама̄ха. бхинданена̄ти бхиджджанасабха̄вена. пабхан̇гуна̄ти чун̣н̣авичун̣н̣ам̣ а̄паджджанадхаммена. ат̣т̣ӣйа̄мӣти ат̣т̣а̄ пӣл̣ита̄ хоми. хара̄йа̄мӣти ладжджа̄ми. санта̄ сама̄паттӣти ат̣т̣хавидха̄ локийасама̄патти а̄рамман̣асантата̄йа ан̇гасантата̄йа ча санта̄ти вутта̄. саббаттха̄ти саббесу рӯпа̄рӯпабхавесу, тесам̣ двиннам̣ бхава̄нам̣ гахитатта̄ гахите ка̄мабхаве ат̣т̣хасу ча сама̄паттӣсӯти етесу саббесу т̣ха̄несу майхам̣ авиджджа̄тамо вихатоти вадати. чатуттхам̣.