3. самбарима̄йа̄суттаван̣н̣ана̄

269. татийе а̄ба̄дхикоти исиган̣ена абхисапака̄ле уппанна̄ба̄дхена а̄ба̄дхико. ва̄чехи манти саче мам̣ самбарима̄йам̣ ва̄чеси, евамахам̣ тампи тикиччхисса̄мӣти вадати. ма̄ кхо твам̣, ма̄риса, ва̄чесӣти вина̄пи та̄ва самбарима̄йам̣ сакко амхе ба̄дхати, йади пана там̣ джа̄ниссати, нат̣т̣ха̄ майам̣, ма̄ аттано екасса аттха̄йа амхе на̄сехӣти ватва̄ нива̄райим̣су. самбарова сатам̣ саманти йатха̄ самбаро асуриндо ма̄йа̄вӣ ма̄йам̣ пайоджетва̄ вассасатам̣ нирайе пакко, евам̣ паччати. тумхе дхаммика̄ва, алам̣ во ма̄йа̄йа̄ти вадати. ким̣ пана сакко тасса кодхам̣ тикиччхитум̣ саккун̣еййа̄ти? а̄ма саккун̣еййа. катхам̣? тада̄ кира со исиган̣о дхаратийева, тасма̄ нам̣ исӣнам̣ сантикам̣ нетва̄ кхама̄пеййа, евамасса пха̄су бхавеййа. тена пана ван̃читатта̄ татха̄ акатва̄ паккантова. татийам̣.