7. надуббхийасуттаван̣н̣ана̄

253. саттаме упасан̇камӣти ‘‘айам̣ сакко ‘йопи ме асса супаччаттхико, тасса па̄хам̣ на дуббхеййа’нти чинтети, майа̄ тасса паччаттхикатаро на̄ма наттхи, вӣмам̣сисса̄ми та̄ва нам̣, ким̣ ну кхо мам̣ пасситва̄ дуббхати, на дуббхатӣ’’ти чинтетва̄ упасан̇ками. тит̣т̣ха вепачитти гахитосӣти вепачитти, еттхева тит̣т̣ха, гахито твам̣ майа̄ти вадати. саха вачаненевасса со кан̣т̣хапан̃чамехи бандханехи баддхова ахоси. сапассу ча мети майи адуббхаттха̄йа сапатхам̣ карохӣти вадати. йам̣ муса̄бхан̣ато па̄панти имасмим̣ каппе пат̣хамакаппикесу четийаран̃н̃о па̄пам̣ сандха̄йа̄ха. арийӯпава̄диноти кокаликасса вийа па̄пам̣. миттаддуно ча йам̣ па̄панти маха̄капиджа̄таке маха̄сатте дут̣т̣хачиттасса па̄пам̣. акатан̃н̃уноти девадаттасадисасса акатан̃н̃уно па̄пам̣. има̄ни кира имасмим̣ каппе чатта̄ри маха̄па̄па̄ни. саттамам̣.