ман̇гало буддхо

ман̇галасса пана бхагавато нагарам̣ уттарам̣ на̄ма ахоси, пита̄пи уттаро на̄ма кхаттийо, ма̄та̄пи уттара̄ на̄ма девӣ, судево ча дхаммасено ча две аггаса̄вака̄, па̄лито на̄мупат̣т̣ха̄ко, сӣвалӣ ча асока̄ ча две аггаса̄вика̄, на̄гаруккхо бодхи, ат̣т̣ха̄сӣтихаттхуббедхам̣ сарӣрам̣ ахоси. навути вассасахасса̄ни т̣хатва̄ париниббуте пана тасмим̣ екаппаха̄ренева даса чаккава̄л̣асахасса̄ни екандхака̄ра̄ни ахесум̣. саббачаккава̄л̣есу манусса̄нам̣ махантам̣ а̄роданапаридеванам̣ ахоси.

‘‘кон̣д̣ан̃н̃асса апарена, ман̇гало на̄ма на̄йако;

тамам̣ локе нихантва̄на, дхаммоккамабхидха̄райӣ’’ти. (бу. вам̣. 5.1);