10. дасаманайо виппайуттенавиппайуттападаван̣н̣ана̄

353. ида̄ни виппайуттенавиппайуттападам̣ бха̄джетум̣ рӯпаккхандхена̄тиа̄ди а̄раддхам̣. таттха йе сампайогавиппайогападаниддесе рӯпаккхандха̄дайо дхамма̄ уддхат̣а̄, саббапуччха̄су тейева уддхат̣а̄. садисависсаджджана̄нам̣ пана екато гахитатта̄ пада̄ни ан̃н̃а̄йа пат̣ипа̄т̣ийа̄ а̄гата̄ни. таттха йам̣ падам̣ пуччха̄йа уддхат̣ам̣, там̣ йехи дхаммехи виппайуттам̣, тесам̣ васена кхандха̄дивибха̄го ведитаббо. рӯпаккхандхена хи ведана̄дайо виппайутта̄, техи ча рӯпаккхандхо виппайутто. нибба̄нам̣ пана сукхумарӯпагатикамева. со рӯпаккхандхо чатӯхи кхандхехи, екена мана̄йатанена саттахи вин̃н̃а̄н̣адха̄тӯхи, дхамма̄йатанадхаммадха̄тӯсу, кехичи ведана̄дӣхи дхаммехева виппайутто. есева найо саббаттха̄ти.

виппайуттенавиппайуттападаван̣н̣ана̄.