1. тит̣ха̄насуттаван̣н̣ана̄

21. татийасса пат̣хаме уттаракурука̄ти уттаракурува̄сино. адхигган̣хантӣти адхибхаванти, адхика̄ висит̣т̣ха̄ джет̣т̣хака̄ хонти. амама̄ти ниттан̣ха̄. ат̣т̣хакатха̄йам̣ пана ниддуккха̄ти вуттам̣. апариггаха̄ти ‘‘идам̣ майха’’нти париггахарахита̄. нийата̄йука̄ти тесан̃хи нибаддхам̣ а̄йу вассасахассамева, гатипи нибаддха̄, тато чавитва̄ саггейева ниббаттанти. сатимантоти девата̄нан̃хи екантасукхита̄йа сати тхира̄ на хоти, нерайика̄нам̣ екантадуккхита̄йа. имесам̣ пана вокин̣н̣асукхадуккхатта̄ сати тхира̄ хоти. идха брахмачарийава̄соти джамбудӣпе буддхапаччекабуддха̄нам̣ уппаджджанато ат̣т̣хан̇гикамаггабрахмачарийава̄сопи идхева хоти.