3. кот̣т̣хикасуттаван̣н̣ана̄

13. татийе дит̣т̣хадхаммаведанӣйанти имасмим̣ йеваттабха̄ве випаччанакакаммам̣. сампара̄йаведанӣйанти дутийе аттабха̄ве випаччанакакаммам̣. сукхаведанӣйанти сукхаведана̄джанакакаммам̣. дуккхаведанӣйанти дуккхаведана̄джанакакаммам̣. парипаккаведанӣйанти ладдхавипа̄кава̄рам̣. апарипаккаведанӣйанти аладдхавипа̄кава̄рам̣. бахуведанӣйанти бахувипа̄када̄йакам̣. аппаведанӣйанти на бахувипа̄када̄йакам̣. аведанӣйанти випа̄каведана̄йа ада̄йакам̣. имасмим̣ сутте ват̣т̣авиват̣т̣ам̣ катхитам̣.