4. чорасуттаван̣н̣ана̄

84. чатуттхе маха̄чороти раджджантаре дуббхитум̣ саматтхо маха̄чоро. парийа̄паджджатӣти парийа̄да̄нам̣ гаччхати. на чират̣т̣хитико хотӣти аддха̄нам̣ па̄ленто т̣ха̄тум̣ на саккоти. аппахарантасса пахаратӣти аттано аверине аппахаранте гун̣асампанне ча махаллаке ча тарун̣ада̄раке ча аппахаритаббайуттаке пахарати. анавасесам̣ а̄дийатӣти ниссесам̣ ган̣ха̄ти. бйаттачора̄нан̃хи идам̣ ваттам̣ – парасса двӣсу са̄т̣акесу еко гахетаббо, екасмим̣ санте дуббалам̣ датва̄ тхиро гахетаббо. пут̣абхаттатан̣д̣ула̄дӣсу екам̣ кот̣т̣ха̄сам̣ датва̄ еко гахетабботи. ачча̄санне каммам̣ каротӣти га̄манигамара̄джадха̄нӣнам̣ а̄саннат̣т̣ха̄не чорикакаммам̣ кароти. на ча нидха̄накусало хотӣти йам̣ ладдхам̣, там̣ даккхин̣еййе нидахитум̣ чхеко на хоти, паралокамаггам̣ на содхети.