9. меттасуттаван̣н̣ана̄

62. наваме ма̄, бхиккхаве, пун̃н̃а̄нам̣ бха̄йиттха̄ти пун̃н̃а̄ни каронта̄ тесам̣ ма̄ бха̄йиттха. меттачиттам̣ бха̄весинти тикачатуккаджджха̄ника̄йа метта̄йа сампайуттам̣ пан̣ӣтам̣ катва̄ читтам̣ бха̄весинти дассети. сам̣ват̣т̣ама̄не суда̄ханти сам̣ват̣т̣ама̄не судам̣ ахам̣. сам̣ват̣т̣ама̄нети джха̄йама̄не випаджджама̄не. дхаммикоти дасакусаладхаммасаманна̄гато. дхаммара̄джа̄ти тассева вевачанам̣. дхаммена ва̄ ладдхараджджатта̄ дхаммара̄джа̄. ча̄турантоти пураттхимасамудда̄дӣнам̣ чатуннам̣ самудда̄нам̣ васена ча̄туранта̄йа патхавийа̄ иссаро. виджита̄вӣти виджитасан̇га̄мо. джанападо тасмим̣ тха̄варийам̣ тхирабха̄вам̣ паттоти джанападаттха̄варийаппатто. паросахассанти атирекасахассам̣. сӯра̄ти абхӣруно. вӣран̇гарӯпа̄ти вӣра̄нам̣ ан̇гам̣ вӣран̇гам̣, вӣрийассетам̣ на̄мам̣. вӣран̇гарӯпаметесанти вӣран̇гарӯпа̄. вӣрийаджа̄тика̄ вӣрийасабха̄ва̄ вӣрийамайа̄ вийа акила̄суно дивасампи йуджджханта̄ на киламантӣти вуттам̣ хоти. са̄гарапарийантанти чаккава̄л̣апаббатам̣ сӣмам̣ катва̄ т̣хитасамуддапарийантам̣. адан̣д̣ена̄ти дханадан̣д̣енапи чхеджджабхеджджа̄нуса̄санена саттхадан̣д̣енапи вина̄йева. асаттхена̄ти екатодха̄ра̄дина̄ паравихет̣ханасаттхенапи вина̄йева. дхаммена абхивиджийа̄ти ехи кхо, маха̄ра̄джа̄ти евам̣ пат̣ира̄джӯхи сампат̣иччхита̄гамано ‘‘па̄н̣о на хантаббо’’тиа̄дина̄ дхамменева вуттаппака̄рам̣ патхавим̣ абхивиджинитва̄.

сукхесиноти сукхапарийесаке сатте а̄мантети. сун̃н̃абрахмӯпаготи сун̃н̃абрахмавима̄нӯпаго. патхавим̣ иманти имам̣ са̄гарапарийантам̣ маха̄патхавим̣. аса̄хасена̄ти на са̄хасикакаммена. самена мануса̄ситанти самена каммена ануса̄сим̣. техи етам̣ судеситанти техи сан̇га̄хакехи маха̄ка̄рун̣икехи буддхехи етам̣ еттакам̣ т̣ха̄нам̣ судеситам̣ сукатхитам̣. патхабйоти путхависа̄мико.