(24) 4. а̄ва̄сикавагго

1. а̄ва̄сикасуттаван̣н̣ана̄

231. чатуттхасса пат̣хаме на а̄каппасампанноти саман̣а̄каппена сампанно. абха̄ванӣйо хотӣти вад̣д̣ханӣйо на хоти. дутийам̣ утта̄намева.

3. собханасуттаван̣н̣ана̄

233. татийе пат̣ибалоти ка̄йабалена ча н̃а̄н̣абалена ча саманна̄гататта̄ пат̣ибало.

4. бахӯпака̄расуттаван̣н̣ана̄

234. чатуттхе кхан̣д̣апхулланти патитат̣т̣ха̄нан̃ча бхиннат̣т̣ха̄нан̃ча. пат̣исан̇кхаротӣти пат̣ипа̄катикам̣ кароти. а̄рочетӣти идам̣ пава̄ритакула̄нам̣ васена вуттам̣.

5. анукампасуттаван̣н̣ана̄

235. пан̃чаме адхисӣлесӯти пан̃часу сӣлесу. дхаммадассане нивесетӣти чатусаччадхаммадассане патит̣т̣ха̄пети. арахаггатанти саббасакка̄ра̄нам̣ арахе ратанаттайева гатам̣, тӣсу ваттхӯсу гаручиттӣка̄рам̣ упат̣т̣хапетха̄ти аттхо. чхат̣т̣хам̣ утта̄намева.

7. дутийааван̣н̣а̄рахасуттаван̣н̣ана̄

237. саттаме а̄ва̄сапалигедхӣти а̄ва̄сам̣ балавагиддхивасена гилитва̄ вийа т̣хито. сесам̣ саббам̣ утта̄намева̄ти.

а̄ва̄сикавагго чатуттхо.