9. уда̄йӣсуттаван̣н̣ана̄

159. наваме анупуббим̣ катхам̣ катхесса̄мӣти да̄на̄нантарам̣ сӣлам̣, сӣла̄нантарам̣ сагганти евам̣ десана̄нупуббим̣ катхам̣ ва̄, йам̣ йам̣ суттападам̣ ва̄ га̄тха̄падам̣ ва̄ никкхиттам̣ хоти, тасса тасса анурӯпакатхам̣ катхесса̄мӣти читтам̣ упат̣т̣хапетва̄ паресам̣ дхаммо десетаббо. парийа̄йадасса̄вӣти тасса тасса аттхасса там̣ там̣ ка̄ран̣ам̣ дассенто. ка̄ран̣ан̃хи идха парийа̄йоти вуттам̣. ануддайатам̣ пат̣ичча̄ти ‘‘маха̄самба̄дхаппатте сатте самба̄дхато мочесса̄мӣ’’ти анукампам̣ а̄гамма. на а̄мисантароти на а̄мисахетуко, аттано чатупаччайала̄бхам̣ ана̄сӣсантоти аттхо. атта̄нан̃ча паран̃ча анупахачча̄ти аттуккам̣санапаравамбхана̄дивасена атта̄нан̃ча паран̃ча гун̣упагха̄тена анупахантва̄.