2. а̄рабхатисуттаван̣н̣ана̄

142. дутийе а̄рабхати ча виппат̣иса̄рӣ ча хотӣти а̄паттивӣтиккаманавасена а̄рабхати чева, таппаччайа̄ ча виппат̣иса̄рӣ хоти. четовимуттим̣ пан̃н̃а̄вимуттинти арахаттасама̄дхин̃чева арахаттапхалан̃а̄н̣ан̃ча. наппаджа̄на̄тӣти анадхигататта̄ на джа̄на̄ти. а̄рабхати на виппат̣иса̄рӣ хотӣти а̄паттим̣ а̄паджджати, вут̣т̣хитатта̄ пана на виппат̣иса̄рӣ хоти. на̄рабхати виппат̣иса̄рӣ хотӣти саким̣ а̄паттим̣ а̄паджджитва̄ тато вут̣т̣ха̄йа паччха̄ кин̃ча̄пи на̄паджджати, виппат̣иса̄рам̣ пана винодетум̣ на саккоти. на̄рабхати на виппат̣иса̄рӣ хотӣти на чева а̄паттим̣ а̄паджджати, на ча виппат̣иса̄рӣ хоти. тан̃ча четовимуттим̣…пе… нируджджхантӣти арахаттам̣ пана аппатто хоти. пан̃чаманайена кхӣн̣а̄саво катхито.

а̄рамбхаджа̄ти а̄паттивӣтиккамасамбхава̄. виппат̣иса̄раджа̄ти виппат̣иса̄рато джа̄та̄. павад̣д̣хантӣти пунаппунам̣ уппаджджанена вад̣д̣ханти. а̄рамбхадже а̄саве паха̄йа̄ти вӣтиккамасамбхаве а̄саве а̄паттидесана̄йа ва̄ а̄паттивут̣т̣ха̄нена ва̄ паджахитва̄. пат̣ивинодетва̄ти суддханте т̣хитабха̄вапаччавеккхан̣ена нӣхаритва̄. читтам̣ пан̃н̃ан̃ча бха̄ветӯти випассана̄читтан̃ча там̣сампайуттам̣ пан̃н̃ан̃ча бха̄вету. сесам̣ имина̄ упа̄йенева ведитаббанти.