1. анануссутасуттаван̣н̣ана̄

11. дутийасса пат̣хаме пубба̄хам̣, бхиккхаве, анануссутесу дхаммесӯти ахам̣, бхиккхаве, пуббе анануссутесу чатӯсу саччадхаммесу. абхин̃н̃а̄воса̄напа̄рамиппатто пат̣иджа̄на̄мӣти чатӯсу саччесу чатӯхи маггехи сол̣асавидхасса киччасса каран̣ена абхиджа̄нитва̄ воса̄напа̄рамим̣ саббесам̣ кичча̄нам̣ нит̣т̣хитатта̄ катакиччабха̄вам̣ па̄рам̣ патто пат̣иджа̄на̄мӣти маха̄бодхипаллан̇ке аттано а̄гаманӣйагун̣ам̣ дассети. татха̄гатасса̄ти ат̣т̣хахи ка̄ран̣ехи татха̄гатасса. татха̄гатабала̄нӣти йатха̄ техи гантаббам̣, татхева гата̄ни паватта̄ни н̃а̄н̣абала̄ни. а̄сабхам̣ т̣ха̄нанти сет̣т̣хат̣т̣ха̄нам̣. сӣхана̄данти абхӣтана̄дам̣. брахмачакканти сет̣т̣хачаккам̣. паваттетӣти катхети.