7. кхиппанисантисуттаван̣н̣ана̄

97. саттаме кхиппанисантӣти кхиппаниса̄мано сӣгхам̣ джа̄нитум̣ саматтхо. сута̄нан̃ча дхамма̄нанти сутаппагун̣а̄нам̣ тантидхамма̄нам̣. аттхӯпапариккхӣти аттхам̣ упапариккхако. аттхаман̃н̃а̄йа дхаммаман̃н̃а̄йа̄ти ат̣т̣хакатхан̃ча па̄л̣ин̃ча джа̄нитва̄. дхамма̄нудхаммаппат̣ипанно хотӣти навалокуттарадхамма̄нам̣ анурӯпадхаммабхӯтам̣ сасӣлакам̣ пуббабха̄гаппат̣ипадам̣ пат̣ипанно хоти. но ча калйа̄н̣ава̄чоти на сундаравачано. на калйа̄н̣ава̄ккаран̣оти на сундаравачанагхосо хоти. порийа̄тиа̄дӣхи саддхим̣ но-ка̄ро йоджетаббойева. гун̣апарипун̣н̣а̄йа апалибуддха̄йа адоса̄йа агал̣итападабйан̃джана̄йа аттхам̣ вин̃н̃а̄петум̣ саматтха̄йа ва̄ча̄йа саманна̄гато на хотӣти аттхо. имина̄ упа̄йена саббаттха аттхо ведитаббо.