5. брахмачарийасуттаван̣н̣ана̄

25. пан̃чаме джанакуханаттханти тӣхи куханаваттхӯхи джанасса куханаттха̄йа. на джаналапанаттханти на джанасса упала̄панаттхам̣. на ла̄бхасакка̄расилока̄нисам̣саттханти на чӣвара̄дитхутивачанаттхам̣. на итива̄даппамоккха̄нисам̣саттханти на тена тена ка̄ран̣ена катава̄да̄нисам̣саттхам̣, на ва̄дасса памоккха̄нисам̣саттхам̣. на ити мам̣ джано джа̄на̄тӯти на ‘‘евам̣ кира еса бхиккху, евам̣ кира еса бхиккхӯ’’ти джанасса джа̄нанаттха̄йа. сам̣вараттханти пан̃чахи сам̣варехи сам̣варан̣аттха̄йа. паха̄наттханти тӣхи паха̄нехи паджаханаттха̄йа. вира̄гаттханти ра̄га̄дӣнам̣ вираджджанаттха̄йа. ниродхаттханти тесам̣йева нируджджханаттха̄йа. анӣтиханти итихапариваджджитам̣, апарапаттийанти аттхо. нибба̄ногадхага̄минанти нибба̄насса антога̄минам̣. маггабрахмачарийан̃хи нибба̄нам̣ а̄рамман̣ам̣ каритва̄ нибба̄насса антойева ваттати паваттати. пат̣ипаджджантӣти дувидхампи пат̣ипаджджанти. имасмим̣ сутте ват̣т̣авиват̣т̣ам̣ катхетва̄ га̄тха̄су виват̣т̣амева катхитам̣.