1. а̄па̄йикасуттаван̣н̣ана̄

114. дутийасса пат̣хаме апа̄йам̣ гаччхиссантӣти а̄па̄йика̄. нирайам̣ гаччхиссантӣти нерайика̄. идамаппаха̄йа̄ти идам̣ брахмача̄рипат̣ин̃н̃ата̄дим̣ па̄падхамматтайам̣ авиджахитва̄. брахмача̄рипат̣ин̃н̃оти брахмача̄рипат̣ирӯпако, тесам̣ ва̄ а̄каппам̣ авиджаханена ‘‘ахампи брахмача̄рӣ’’ти евам̣пат̣ин̃н̃о. ануддхам̣сетӣти аккосати парибха̄сати чодети. наттхи ка̄месу досоти килесака̄мена ваттхука̄ме севантасса наттхи досо. па̄табйатанти пивитаббатам̣ парибхун̃джитаббатам̣ нира̄сан̇кена читтена пипа̄ситасса па̄нӣйапиванасадисам̣ парибхун̃джитаббатам̣. имасмим̣ сутте ват̣т̣амева катхитам̣.