8. сӣлаббатасуттаван̣н̣ана̄

79. ат̣т̣хаме сӣлаббатанти сӣлан̃чева ватан̃ча. джӣвитанти дуккарака̄рика̄нуйого. брахмачарийанти брахмачарийава̄со. упат̣т̣ха̄наса̄ранти упат̣т̣ха̄нена са̄рам̣, ‘‘идам̣ варам̣ идам̣ нит̣т̣ха̄’’ти евам̣ упат̣т̣хитанти аттхо. сапхаланти саудрайам̣ савад̣д̣хикам̣ хотӣти пуччхати. на кхветтха, бханте, екам̣сена̄ти, бханте, на кхо еттха екам̣сена бйа̄ка̄таббанти аттхо. упат̣т̣ха̄наса̄рам̣ севатоти идам̣ са̄рам̣ варам̣ нит̣т̣ха̄ти евам̣ упат̣т̣хитам̣ севама̄насса. апхаланти ит̣т̣хапхалена апхалам̣. етта̄вата̄ каммава̄дикирийава̄дӣнам̣ паббаджджам̣ т̣хапетва̄ сесо саббопи ба̄хиракасамайо гахито хоти. сапхаланти ит̣т̣хапхалена сапхалам̣ саудрайам̣. етта̄вата̄ имам̣ са̄санам̣ а̄дим̣ катва̄ сабба̄пи каммава̄дикирийава̄дӣнам̣ паббаджджа̄ гахита̄. на ча панасса сулабхарӯпо самасамо пан̃н̃а̄йа̄ти евам̣ секкхабхӯмийам̣ т̣хатва̄ пан̃хам̣ катхенто асса а̄нандасса пан̃н̃а̄йа самасамо на сулабхоти дассети. имасмим̣ сутте секкхабхӯми на̄ма катхита̄ти.