5. нивесакасуттаван̣н̣ана̄

76. пан̃чаме амачча̄ти сухаджджа̄. н̃а̄тӣти сассусасурапаккхика̄. са̄лохита̄ти сама̄налохита̄ бха̄тибхагиниа̄дайо. авеччаппаса̄дети гун̣е авечча джа̄нитва̄ уппанне ачалаппаса̄де. ан̃н̃атхаттанти бха̄ван̃н̃атхаттам̣. патхавӣдха̄туйа̄тиа̄дӣсу вӣсатийа̄ кот̣т̣ха̄сесу тхаддха̄ка̄рабхӯта̄йа патхавӣдха̄туйа̄, два̄дасасу кот̣т̣ха̄сесу йӯсагата̄йа а̄бандханабхӯта̄йа а̄подха̄туйа̄, чатӯсу кот̣т̣ха̄сесу парипа̄чанабхӯта̄йа теджодха̄туйа̄, чхасу кот̣т̣ха̄сесу виттхамбханабхӯта̄йа ва̄йодха̄туйа̄ сийа̄ ан̃н̃атхаттам̣. на твева̄ти имесам̣ хи чатуннам̣ маха̄бхӯта̄нам̣ ан̃н̃аман̃н̃абха̄вӯпагаманена сийа̄ ан̃н̃атхаттам̣, арийаса̄вакасса пана на твева сийа̄ти дассети. еттха ча ан̃н̃атхаттанти паса̄дан̃н̃атхаттан̃ча гатиан̃н̃атхаттан̃ча. тан̃хи тасса на хоти, бха̄ван̃н̃атхаттам̣ пана хоти. арийаса̄вако хи мануссо хутва̄ девопи хоти брахма̄пи. паса̄до панасса бхавантарепи на вигаччхати, на ча апа̄йагатисан̇кха̄там̣ гатиан̃н̃атхаттам̣ па̄пун̣а̄ти. саттха̄пи тадева дассенто татридам̣ ан̃н̃атхаттантиа̄дима̄ха. сесаметтха утта̄наттхамева̄ти.