2. а̄джӣвакасуттаван̣н̣ана̄

73. дутийе тена хи гахапатӣти тхеро кира чинтеси – ‘‘айам̣ идха а̄гаччханто на ан̃н̃а̄тука̄мо хутва̄ а̄гами, паригган̣ханаттхам̣ пана а̄гато. имина̄ пуччхитапан̃хам̣ имина̄ва катха̄песса̄мӣ’’ти. ити там̣йева катхам̣ катха̄петука̄мо тена хӣтиа̄дима̄ха. таттха тена хӣти ка̄ран̣а̄падесо. йасма̄ твам̣ евам̣ пуччхаси, тасма̄ тан̃н̃еветтха пат̣ипуччха̄мӣти. кесам̣ ноти катамесам̣ ну. садхаммуккам̣сана̄ти аттано ладдхийа̄ уккхипитва̄ т̣хапана̄. парадхамма̄паса̄дана̄ти паресам̣ ладдхийа̄ гхат̣т̣ана̄ вамбхана̄ аваккхипана̄. а̄йатанева дхаммадесана̄ти ка̄ран̣асмим̣йева дхаммадесана̄. аттхо ча вуттоти майа̄ пуччхитапан̃ха̄йа аттхо ча пака̄сито. атта̄ ча анупанӣтоти амхе еварӯпа̄ти евам̣ атта̄ ча на упанӣто. нупанӣтотипи па̄т̣хо.