(15) 5. сама̄паттиваггаван̣н̣ана̄
164. пан̃чамасса пат̣хаме сама̄паттикусалата̄ти а̄ха̄расаппа̄йам̣ утусаппа̄йам̣ паригган̣хитва̄ сама̄паттисама̄паджджане чхеката̄. сама̄паттивут̣т̣ха̄накусалата̄ти йатха̄париччхедена гате ка̄ле вийатто хутва̄ ут̣т̣хаханто вут̣т̣ха̄накусало на̄ма хоти, евам̣ кусалата̄.
165. дутийе аджджаванти уджубха̄во. маддаванти мудубха̄во.
166. татийе кхантӣти адхива̄санакханти. сораччанти сусӣлйабха̄вена суратабха̄во.
167. чатуттхе са̄кхалйанти сан̣хава̄ча̄васена саммодама̄набха̄во. пат̣исантха̄роти а̄мисена ва̄ дхаммена ва̄ пат̣исантхаран̣ам̣.
168. пан̃чаме авихим̣са̄ти карун̣а̄пуббабха̄го. сочеййанти сӣлавасена сучибха̄во. чхат̣т̣хасаттама̄ни утта̄наттха̄нева.
171. ат̣т̣хаме пат̣исан̇кха̄набаланти паччавеккхан̣абалам̣.
172. наваме мут̣т̣хассачче акампанена сатийева сатибалам̣. уддхачче акампанена сама̄дхийева сама̄дхибалам̣.
173. дасаме саматхоти читтекаггата̄. випассана̄ти сан̇кха̄рапаригга̄хакан̃н̃а̄н̣ам̣.
174. ека̄дасаме сӣлавипаттӣти дуссӣлйам̣. дит̣т̣хивипаттӣти миччха̄дит̣т̣хи.
175. два̄дасаме сӣласампада̄ти парипун̣н̣асӣлата̄. дит̣т̣хисампада̄ти самма̄дит̣т̣хикабха̄во. тена каммассакатасамма̄дит̣т̣хи, джха̄насамма̄дит̣т̣хи, випассана̄самма̄дит̣т̣хи, маггасамма̄дит̣т̣хи, пхаласамма̄дит̣т̣хӣти сабба̄пи пан̃чавидха̄ самма̄дит̣т̣хи сан̇гахита̄ хоти.
176. терасаме сӣлависуддхӣти висуддхисампа̄пакам̣ сӣлам̣. дит̣т̣хивисуддхӣти висуддхисампа̄пика̄ чатумаггасамма̄дит̣т̣хи, пан̃чавидха̄пи ва̄ самма̄дит̣т̣хи.
177. чуддасаме дит̣т̣хивисуддхӣти висуддхисампа̄пика̄ самма̄дит̣т̣хийева. йатха̄дит̣т̣хисса ча падха̄нанти хет̣т̣химамаггасампайуттам̣ вӣрийам̣. тан̃хи тасса̄ дит̣т̣хийа̄ анурӯпатта̄ ‘‘йатха̄дит̣т̣хисса ча падха̄на’’нти вуттам̣.
178. паннарасаме асантут̣т̣хита̄ ча кусалесу дхаммесӯти ан̃н̃атра арахаттамагга̄ кусалесу дхаммесу асантут̣т̣хибха̄во.
179. сол̣асаме мут̣т̣хассаччанти мут̣т̣хассатибха̄во. асампаджан̃н̃анти ан̃н̃а̄н̣абха̄во.
180. саттарасаме апила̄паналаккхан̣а̄ сати. самма̄ паджа̄наналаккхан̣ам̣ сампаджан̃н̃анти.
сама̄паттивагго пан̃чамо. татийапан̣н̣а̄сакам̣ нит̣т̣хитам̣.