(7) 2. сукхаваггаван̣н̣ана̄

65. дутийасса пат̣хаме гихисукханти гихӣнам̣ саббака̄маниппхаттимӯлакам̣ сукхам̣. паббаджитасукханти паббаджита̄нам̣ паббаджджа̄мӯлакам̣ сукхам̣.

66. дутийе ка̄масукханти ка̄ме а̄раббха уппаджджанакасукхам̣. неккхаммасукханти неккхаммам̣ вуччати паббаджджа̄, там̣ а̄раббха уппаджджанакасукхам̣.

67. татийе упадхисукханти тебхӯмакасукхам̣. нирупадхисукханти локуттарасукхам̣.

68. чатуттхе са̄савасукханти а̄сава̄нам̣ паччайабхӯтам̣ ват̣т̣асукхам̣. ана̄савасукханти тесам̣ апаччайабхӯтам̣ виват̣т̣асукхам̣.

69. пан̃чаме са̄мисанти сам̣килесам̣ ват̣т̣ага̄мисукхам̣. нира̄мисанти никкилесам̣ виват̣т̣ага̄мисукхам̣.

70. чхат̣т̣хе арийасукханти апутхуджджанасукхам̣. анарийасукханти путхуджджанасукхам̣.

71. саттаме ка̄йиканти ка̄йавин̃н̃а̄н̣асахаджа̄там̣. четасиканти манодва̄рикасукхам̣. там̣ локийалокуттарамиссакам̣ катхитам̣.

72. ат̣т̣хаме саппӣтиканти пат̣хамадутийаджджха̄насукхам̣. ниппӣтиканти татийачатуттхаджджха̄насукхам̣. таттха локийасаппӣтикато локийаниппӣтикам̣, локуттарасаппӣтикато ча локуттараниппӣтикам̣ агганти евам̣ бхуммантарам̣ абхиндитва̄ аггабха̄во ведитаббо.

73. наваме са̄тасукханти тӣсу джха̄несу сукхам̣. упеккха̄сукханти чатуттхаджджха̄насукхам̣.

74. дасаме сама̄дхисукханти аппанам̣ ва̄ упача̄рам̣ ва̄ паттасукхам̣. асама̄дхисукханти тадубхайам̣ аппаттасукхам̣.

75. ека̄дасаме саппӣтика̄рамман̣анти саппӣтикам̣ джха̄надвайам̣ паччавеккхантасса уппаннасукхам̣. ниппӣтика̄рамман̣епи есева найо. два̄дасамепи имина̄ва упа̄йена аттхо ведитаббо.

77. терасаме рӯпа̄рамман̣анти рӯпа̄вачарачатуттхаджджха̄на̄рамман̣ам̣, йам̣кин̃чи рӯпам̣ а̄раббха уппаджджанакам̣ ва̄. арӯпа̄рамман̣анти арӯпа̄вачараджджха̄на̄рамман̣ам̣, йам̣кин̃чи арӯпам̣ а̄раббха уппаджджанакам̣ ва̄ти.

сукхавагго дутийо.