1. сена̄санасуттаван̣н̣ана̄

11. дутийасса пат̣хаме пан̃чан̇гасаманна̄гатоти пан̃чахи гун̣ан̇гехи саманна̄гато. на̄тидӯрам̣ хоти на̄чча̄саннанти йан̃хи атидӯре хоти, пин̣д̣а̄йа чаритва̄ таттха гаччхантасса ка̄йачиттадаратха̄ хоти, тато ануппаннам̣ ва̄ сама̄дхим̣ уппа̄детум̣ уппаннам̣ ва̄ тхирам̣ ка̄тум̣ на саккоти. ачча̄саннам̣ бахуджана̄кин̣н̣ам̣ хоти. чатта̄лӣсаусабхаматте пана падесе васатам̣ дӯра̄саннадосавимуттан̃ча гамана̄гаманасампаннам̣ на̄ма хоти. дива̄аппа̄кин̣н̣анти дивасабха̄ге маха̄джанена ана̄кин̣н̣ам̣.