5-6. сан̇га̄равасутта̄диван̣н̣ана̄

117-118. пан̃чаме оримам̣ тӣранти локийам̣ ориматӣрам̣. па̄римам̣ тӣранти локуттарам̣ па̄риматӣрам̣. па̄рага̄миноти нибба̄нага̄мино. тӣрамева̄нудха̄ватӣти сакка̄йадит̣т̣хитӣрам̣йева анудха̄вати. дхамме дхамма̄нуваттиноти самма̄ аккха̄те нававидхе локуттарадхамме анудхаммаваттино, тасса дхаммасса̄нуччхавика̄йа сахасӣла̄йа пуббабха̄гапат̣ипаттийа̄ паваттама̄на̄. маччудхеййам̣ судуттаранти маччуно т̣ха̄набхӯтам̣ тебхӯмакават̣т̣ам̣ судуттарам̣ таритва̄. па̄рамессантӣти нибба̄нам̣ па̄пун̣иссанти.

ока̄ анокама̄гамма̄ти ват̣т̣ато виват̣т̣ам̣ а̄гамма. вивеке йаттха дӯраманти йасмим̣ ка̄йачиттаупадхививеке дурабхирамам̣, татра̄бхиратимиччхеййа. хитва̄ ка̄мети дувидхепи ка̄ме паха̄йа. акин̃чаноти ниппалибодхо. а̄да̄напат̣иниссагети гахан̣апат̣иниссаггасан̇кха̄те нибба̄не. анупа̄да̄йа йе рата̄ти чатӯхи упа̄да̄нехи кин̃чипи анупа̄дийитва̄ йе абхирата̄. париниббута̄ти те апаччайапаринибба̄нена париниббута̄ на̄ма̄ти ведитабба̄. чхат̣т̣хам̣ бхиккхӯнам̣ деситам̣.