5-7. пат̣хамасукхасутта̄диван̣н̣ана̄

65-67. пан̃чаме ват̣т̣амӯлакам̣ сукхадуккхам̣ пуччхитам̣, чхат̣т̣хе са̄санамӯлакам̣. саттаме нал̣акапа̄нанти атӣте бодхисаттасса ова̄де т̣хатва̄ ва̄нарайӯтхена нал̣ехи удакасса пӣтат̣т̣ха̄не ма̄питатта̄ евам̣ладдхана̄мо нигамо. тун̣хӣбхӯтам̣ тун̣хӣбхӯтанти йам̣ йам̣ дисам̣ анувилокети, таттха таттха тун̣хӣбхӯтамева. анувилокетва̄ти тато тато вилокетва̄. пит̣т̣хи ме а̄гила̄йатӣти касма̄ а̄гила̄йати? бхагавато хи чха васса̄ни маха̄падха̄нам̣ падахантасса махантам̣ ка̄йадуккхам̣ ахоси, атхасса апарабха̄ге махаллакака̄ле пит̣т̣хива̄то уппаджджи. упа̄диннакасарӣрасса т̣ха̄нанисаджджа̄дӣхи аппаматтакена а̄ба̄дхена на сакка̄ кеначи бхавитум̣. там̣ гахетва̄пи тхерасса ока̄сакаран̣аттхам̣ евама̄ха. сан̇гха̄т̣им̣ пан̃н̃а̄петва̄ екаманте патирӯпат̣т̣ха̄не пан̃н̃аттасса каппийаман̃часса упари аттхаритва̄.