10. гирима̄нандасуттаван̣н̣ана̄
60. дасаме анукампам̣ упа̄да̄йа̄ти гирима̄нандаттхере анукампам̣ пат̣ичча. чаккхуроготиа̄дайо ваттхувасена ведитабба̄. ниббаттитаппаса̄да̄нан̃хи рого на̄ма наттхи. кан̣н̣ароготи бахикан̣н̣е рого. пина̄соти бахина̄сика̄йа рого. накхаса̄ти накхехи вилекхитат̣т̣ха̄не рого. питтасамут̣т̣ха̄на̄ти питтасамут̣т̣хита̄. те кира дваттим̣са хонти. семхасамут̣т̣ха̄на̄дӣсупи есева найо. утупарин̣а̄маджа̄ти утупарин̣а̄мена аччун̣ха̄тисӣтена уппаджджанакарога̄. висамапариха̄раджа̄ти атичират̣т̣ха̄нанисаджджа̄дина̄ висамапариха̄рена джа̄та̄. опаккамика̄ти вадхабандхана̄дина̄ упаккамена джа̄та̄. каммавипа̄каджа̄ти балавакаммавипа̄касамбхӯта̄. сантанти ра̄га̄дисантата̄йа сантам̣. атаппакат̣т̣хена пан̣ӣтам̣. сесам̣ саббаттха утта̄наттхамева̄ти.
сачиттавагго пат̣хамо.