6. саккасуттаван̣н̣ана̄

46. чхат̣т̣хе сокасабхайети сокена сабхайе. сокабхайети ва̄ па̄т̣хо, айамеваттхо. дутийападепи есева найо. йена кеначи каммат̣т̣ха̄нена̄ти касиван̣иджджа̄дикаммесу йена кеначи каммена. ана̄паджджа акусаланти кин̃чи акусалам̣ ана̄паджджитва̄. ниббисеййа̄ти уппа̄деййа а̄чинеййа. даккхоти чхеко. ут̣т̣ха̄насампанноти ут̣т̣ха̄навӣрийена саманна̄гато. алам̣ вачана̄йа̄ти йутто вачана̄йа. екантасукхаппат̣исам̣ведӣ вихареййа̄ти екантамева ка̄йикачетасикасукхам̣ н̃а̄н̣ена пат̣исам̣веденто вихареййа. аничча̄ти хутва̄ абха̄вато. туччха̄ти са̄рарахита̄. муса̄ти ниччасубхасукха̄ вийа кха̄йама̄на̄пи татха̄ на хонтӣти муса̄. мосадхамма̄ти нассанасабха̄ва̄. тасма̄ те пат̣ичча дуккхам̣ уппаджджатӣти сандассети. идха пана воти еттха во ти нипа̄таматтам̣. апан̣н̣акам̣ ва̄ сота̄панноти авира̄дхитам̣ екам̣сена сота̄панно ва̄ хоти. сопи джха̄нам̣ ниббаттети, брахмалокам̣ ва̄ гантва̄ чхасу ва̄ ка̄масаггесу екантасукхаппат̣исам̣ведӣ хутва̄ вихареййа. имасмим̣ сутте саттха̄ ат̣т̣хан̇гупосатхасса гун̣ам̣ катхеси.