3. убба̄хика̄суттаван̣н̣ана̄

33. татийе убба̄хика̄йа̄ти сампаттаадхикаран̣ам̣ вӯпасаметум̣ сан̇гхато убба̄хитва̄ уддхаритва̄ гахан̣аттха̄йа. винайе кхо пана т̣хито хотӣти винайалаккхан̣е патит̣т̣хито хоти. асам̣хӣроти на ан̃н̃асса вачанаматтенева аттано ладдхим̣ виссаджджети. пат̣ибалоти ка̄йабаленапи н̃а̄н̣абаленапи саманна̄гато. сан̃н̃а̄петунти джа̄на̄петум̣. пан̃н̃а̄петунти сампаджа̄на̄петум̣. ниджджха̄петунти олока̄петум̣. пеккхатунти пасса̄петум̣. паса̄детунти сан̃джа̄тапаса̄дам̣ ка̄тум̣. адхикаран̣анти вива̄да̄дхикаран̣а̄дичатуббидхам̣. адхикаран̣асамудайанти вива̄дамӯла̄дикам̣ адхикаран̣ака̄ракам̣. адхикаран̣аниродханти адхикаран̣а̄нам̣ вӯпасамам̣. адхикаран̣аниродхага̄миним̣ пат̣ипаданти саттавидхаадхикаран̣асаматхам̣.