5. аппама̄дасуттаван̣н̣ана̄

15. пан̃чаме евамева кхоти йатха̄ саббасатта̄нам̣ самма̄самбуддхо агго, евам̣ саббесам̣ кусаладхамма̄нам̣ ка̄ра̄пакааппама̄до агготи дат̣т̣хаббо. нану чеса локийова, кусаладхамма̄ пана локуттара̄пи. айан̃ча ка̄ма̄вачарова, кусаладхамма̄ пана чатубхӯмака̄. катхамеса тесам̣ агготи? пат̣ила̄бхакаттена. аппама̄дена хи те пат̣илабханти, тасма̄ со тесам̣ агго. тенева вуттам̣ – саббе те аппама̄дамӯлака̄ти.

джан̇гала̄нанти патхавиталача̄рӣнам̣. па̄н̣а̄нанти сапа̄дакапа̄н̣а̄нам̣. пададжа̄та̄нӣти пада̄ни. самодха̄нам̣ гаччхантӣти одха̄нам̣ паккхепам̣ гаччханти. аггамаккха̄йатӣти сет̣т̣хамаккха̄йати. йадидам̣ махантаттена̄ти махантабха̄вена аггамаккха̄йати, на гун̣аггена̄ти аттхо. вассиканти суманапуппхам̣. идам̣ кира суттам̣ сутва̄ бха̄тийамаха̄ра̄джа̄ вӣмам̣ситука̄мата̄йа екасмим̣ габбхе чатуджа̄тигандхехи парибхан̣д̣ам̣ катва̄ сугандхапуппха̄ни а̄хара̄петва̄ екасса самуггасса маджджхе суманапуппхамут̣т̣хим̣ т̣хапетва̄ сеса̄ни тасса самантато мут̣т̣хим̣ катва̄ т̣хапетва̄ два̄рам̣ пидха̄йа бахи никкханто. атхасса мухуттам̣ бахи вӣтина̄метва̄ два̄рам̣ виваритва̄ пависантасса саббапат̣хамам̣ суманапуппхагандхо гха̄нам̣ пахари. со маха̄таласмим̣йева маха̄четийа̄бхимукхо нипаджджитва̄ ‘‘вассикам̣ тесам̣ агганти катхентена сукатхитам̣ самма̄самбуддхена̄’’ти четийам̣ ванди. кхуддара̄джа̄ноти кхуддакара̄джа̄но. кӯт̣ара̄джа̄нотипи па̄т̣хо.