20. аматаваггаван̣н̣ана̄

600-611. аматам̣ те, бхиккхаве, на парибхун̃джантӣти маран̣авирахитам̣ нибба̄нам̣ на парибхун̃джантӣти аттхо. нану ча нибба̄нам̣ локуттарам̣, ка̄йагата̄сати локийа̄, катхам̣ там̣ парибхун̃джанта̄ аматам̣ парибхун̃джантӣти? там̣ бха̄ветва̄ адхигантаббато. ка̄йагатан̃хи сатим̣ бха̄венто аматамадхигаччхати, абха̄венто на̄дхигаччхати. тасма̄ евам̣ вуттам̣. етенупа̄йена саббаттха аттхо ведитаббо. апи четтха вираддханти вира̄дхитам̣ на̄дхигатам̣. а̄раддханти парипун̣н̣ам̣. пама̄дим̣сӯти памаджджанти. памут̣т̣ханти саммут̣т̣хам̣ виссаритам̣ нат̣т̣хам̣ ва̄. а̄севитанти а̄дито севитам̣. бха̄витанти вад̣д̣хитам̣. бахулӣкатанти пунаппунам̣ катам̣. анабхин̃н̃а̄танти н̃а̄таабхин̃н̃а̄йа аджа̄нитам̣. апарин̃н̃а̄танти н̃а̄тапарин̃н̃а̄васенева апарин̃н̃а̄там̣. асаччхикатанти апаччаккхакатам̣. сесам̣ саббаттха утта̄наттхамева̄ти.

аматаваггаван̣н̣ана̄.