(9) нируджджхама̄нуппаннава̄ро

77. (ка) йасса читтам̣ нируджджхама̄нам̣ тасса читтам̣ уппаннанти? а̄манта̄.

(кха) йасса ва̄ пана читтам̣ уппаннам̣ тасса читтам̣ нируджджхама̄нанти?

читтасса уппа̄даккхан̣е тесам̣ читтам̣ уппаннам̣, но ча тесам̣ читтам̣ нируджджхама̄нам̣. читтасса бхан̇гаккхан̣е тесам̣ читтам̣ уппаннан̃чева нируджджхама̄нан̃ча.

(ка) йасса читтам̣ на нируджджхама̄нам̣ тасса читтам̣ на уппаннанти?

читтасса уппа̄даккхан̣е тесам̣ читтам̣ на нируджджхама̄нам̣, но ча тесам̣ читтам̣ на уппаннам̣. ниродхасама̄панна̄нам̣ асан̃н̃асатта̄нам̣ тесам̣ читтам̣ на чева нируджджхама̄нам̣ на ча уппаннам̣.

(кха) йасса ва̄ пана читтам̣ на уппаннам̣ тасса читтам̣ на нируджджхама̄нанти? а̄манта̄.