(10) уппаннуппа̄дава̄ро

78. (ка) йасса читтам̣ уппаннам̣ тасса читтам̣ уппаджджиттха̄ти? а̄манта̄.

(кха) йасса ва̄ пана читтам̣ уппаджджиттха тасса читтам̣ уппаннанти?

ниродхасама̄панна̄нам̣ асан̃н̃асатта̄нам̣ тесам̣ читтам̣ уппаджджиттха, но ча тесам̣ читтам̣ уппаннам̣. читтасаман̇гӣнам̣ тесам̣ читтам̣ уппаджджиттха чева уппаннан̃ча.

(ка) йасса читтам̣ на уппаннам̣ тасса читтам̣ на уппаджджиттха̄ти? уппаджджиттха.

(кха) йасса ва̄ пана читтам̣ на уппаджджиттха тасса читтам̣ на уппаннанти? наттхи.

79. (ка) йасса читтам̣ уппаннам̣ тасса читтам̣ уппаджджиссатӣти?

паччхимачиттасаман̇гӣнам̣ тесам̣ читтам̣ уппаннам̣, но ча тесам̣ читтам̣ уппаджджиссати. итаресам̣ читтасаман̇гӣнам̣ тесам̣ читтам̣ уппаннан̃чева уппаджджиссати ча.

(кха) йасса ва̄ пана читтам̣ уппаджджиссати тасса читтам̣ уппаннанти?

ниродхасама̄панна̄нам̣ асан̃н̃асатта̄нам̣ тесам̣ читтам̣ уппаджджиссати, но ча тесам̣ читтам̣ уппаннам̣. читтасаман̇гӣнам̣ тесам̣ читтам̣ уппаджджиссати чева уппаннан̃ча.

(ка) йасса читтам̣ на уппаннам̣ тасса читтам̣ на уппаджджиссатӣти? уппаджджиссати.

(кха) йасса ва̄ пана читтам̣ на уппаджджиссати тасса читтам̣ на уппаннанти? уппаннам̣.