(8) уппаджджама̄нуппаннава̄ро

76. (ка) йасса читтам̣ уппаджджама̄нам̣ тасса читтам̣ уппаннанти? а̄манта̄.

(кха) йасса ва̄ пана читтам̣ уппаннам̣ тасса читтам̣ уппаджджама̄нанти?

читтасса бхан̇гаккхан̣е тесам̣ читтам̣ уппаннам̣, но ча тесам̣ читтам̣ уппаджджама̄нам̣. читтасса уппа̄даккхан̣е тесам̣ читтам̣ уппаннан̃чева уппаджджама̄нан̃ча.

(ка) йасса читтам̣ на уппаджджама̄нам̣ тасса читтам̣ на уппаннанти?

читтасса бхан̇гаккхан̣е тесам̣ читтам̣ на уппаджджама̄нам̣, но ча тесам̣ читтам̣ на уппаннам̣. ниродхасама̄панна̄нам̣ асан̃н̃асатта̄нам̣ тесам̣ читтам̣ на чева уппаджджама̄нам̣ на ча уппаннам̣.

(кха) йасса ва̄ пана читтам̣ на уппаннам̣ тасса читтам̣ на уппаджджама̄нанти? а̄манта̄.